بسم الله الرحمن الرحيم
ماشاءلله فيني طاقة هالأيام هههههه كل شيء سويته
المهم اليوم طريقة الشوقر كوكيز والرويال آيسينق
من زمان نفسي أسويه و عشاني قد جربته مره ولا ضبط ، لا الكوكيز ولا الآيسينق فما تحمست. بس لما سويته الحين ضبط و طلع مرره لزيييز ولا صار قاسي
وأحسن شي يصلح بالآيسينق و بدون، يعني اللي مايحب سكر كثير ممكن مايحط الآيسينق و يبقا طعمه لذيذ، واضح مره مستانسه عليه! ههههه
*شوفو كيف شكلها و سنو فليك بعد *قلب
:المقادير
ثلاث أكواب دقيق
3/4 ملعقه صغيره بيكنق بودر
1/4 ملعقه صغيره ملح
(كوب زبده على حرارة الغرفه (أصبعين
كوب سكر
بيضه
ملعقة طعام حليب سايل
سكر بودره أو دقيق للعجن
:الطريقه
..نشغل الفرن بحرارة 300 فهرنهايت
ننخل الدقيق و الملح و البيكنق بودر، بخلاط الكيك نخفق الزبده مع السكر لما يصير
.خليط كريمي، نضيف البيضه و الحليب و نخفق
.نضيف الدقيق بس مو كله مره وحده، ونعجن
ندخل العجينه للثلاجه ساعتين، وهنا نقطه مهمه ترا اذا جلست بالثلاجه وقت طويل بتجمد و بتتعذبون بالفرد، أنا دخلتها الثلاجه و خليتها لما بكرا و مررره تعذبت في
.العجن
بعد ماتطلع من الثلاجه نحطها على سطح مرشوش بالسكر البودر او الدقيق، و لا ننسى الفراده بعد نمسح عليها عشان ما تلصق العجينه
نحط ورق زبده على الصينيه، نقطع الكوكيزات اي شكل و ندخلها الفرن من 7 الى 12 دقيقه، يختلف حسب الحجم و الفرن بعد، بس أول ماتصير ذهبيه من تحت و الاطراف نطلعها، نخليها ترتاح على نفس الصينيه مانحركها خمس دقايق و بعدين نحطها على رف سلكي تبرد
:الرويال آيسينق
بياض بيضتين أو اكثر عشان نخفف الخليط
أربع أكواب سكر ناعم أو اكثر عشان نثقل الخليط
.....اذا تبون معاه نكهه ممكن تحطون عصير ليمون أو برتقال
(ألوان طعام (اختياري
:طريقته
بخلاط الكيك نخفق السكر مع البيض لما يمتزجون زيين، نضيف النكهات و نخفق
نحطه بكيس التزيين و نزين الكوكيز فيه
أنا هنا حطيت سكر ملون على بعضهم
Bon appetite
