Restaurant review: Nino

السلام عليكم و رحمة الله و بركاته 

كل عام و انتم بخير :) 

ريفيو اليوم عن مطعم نينو في التحليه 

نتكلم اول شي عن الجو العام للمطعم، رحنا الساعه 9 ونص تقريباً و كان مره  زحمه و الناس تجي بالملايين ماشاءالله لول

انتظرنا 20 دقيقه بعدين جلسنا، المطعم ازعاج مره و مع انه ما يعتبر صغير بس احس الناس داخلين ببعض  

 أكلهم مره عادي ماعجبني :/ يعني كنت متوقعته مره طِعم، احس عشاني 

متحمسه عليه طلع عادي هههه 

خدمتهم كويسه ما عليها بس مره تأخروا ماجابوا المشروبات و البيتزا 

تقريباً جلسنا نص ساعه بعد ما جابوا الطلبات بعدين جابوا البيتزا

بس اتوقع عشان الزحمه؟ 

 اسعارهم من متوسط الى مرتفع، جلساتهم حليوه بس ظلام شوي، المنيو متنوع فيه  كل انواع الاكل ماشاءالله

نجي لطلباتنا 

هذي يقدمونها ضيافه٫ خبز مع زبده

المقبلات 

سلطة كريسبي تشكن 

لذييييييذه احلا شي طلبناه 

خس وجرجير وملفوف و الصوص رانش وبارميزان لكم ان تتخيلون الطعم كيف يطلع :(:( 

الدجاج اللي معها لذيذ بعد بالبلسميك 

مره لذيذه اللي يروح لازم يطلبها 

سعرها 53 ريال 

بولو فريتو امريكانو 

قطع دجاج مقليه، الصوص مفروض هالبينو تشدر بس طعمه ماسترد مدري كيف تجي

ماعجبتني الدجاج مافيه طعم والصوص مره ماسترد ماحبه 

نچت هرفي احلا 

 سعرها 49 ريال

نينو كاليفورنيا 

هذي اخترته عشان قد ذقت عندهم سوشي من زمان و عجبني مره كان لذيذ حسبت ان هذا هو نفسه بس طلع مو هو 

طعمه حلو بس مايقارن باللي ذقته اول هههه 

سعره ما اعرف ما كتبته 

الاطباق الرئيسيه 

ريزوتو كون بولو 

نجم الحفله :):) 

هذا طلبي طبعاً ريزوتو لول، بالدجاج و الزعفران 

طعمه حلو، ثاني احلا طبق بعد السلطه 

سعره 67 ريال

فيتيلو ال تارتوفو 

لحم عجل بالزبده و الاعشاب و المشروم و بوريه بطاطس 

هذا الطبق ما جاز لي ابدا ابدا 

 T_T اول شي عشان طريقة التقديم، في المنيو كان شكله مره حلو ومرتب ليش كذا  

مو واضح طعم اللحم و احسه كان يحتاج ملح زياده 
-الماش بوتيتو مره يمي -على كلام رغد هي اللي طالبته

سعره 87 ريال

بولو كروكانتي 

هذي الباستا عاد شي ثاني ههههههههه 
!ابدا مو حلوه 

صدق يعني بدون مبالغه اللي نسويها بالبيت احلا بكثير
مفروض انها بينّي مع صلصة الشدر بس الصلصه كريمة طبخ لول

الدجاج قاسي، شكل عندهم مشكله مع الدجاج لول 
 باختصار لا تطلبونها

سعرها 65 ريال

بيتزا أمريكانو 

بيتزا بيبيروني وجبنه بروفلون 
ناشفه و مقرمشه المفروض ان هذي سميكه >.< 
ماعجبتني كانها خبز تميس 

سعرها 55


المشروبات 

طلبنا عصير كيوي،، ليمون و نعناع، برتقال، كوكتيل ايجانو 

هذا يقولون انه عصير كيوي، طعمه مره شين الله يكرم النعمه ياحلو حق المراعي T_T 
اتوقع حاطين ماء فوار و رغوه ؟ 

جيجي تقول حامض 

العصيرات 21 ريال

كوكتيل ايجانو
زنجبيل، كزبره، نعناع، عصير ليمون، عصير توت، ليمونيد

لذيذ 
29 ريال 


ابغا ارجعله مره ثانيه عشان احس حرام حلو بس يمكن طلباتنا شينه هههههه 

لو رجعت ابغا اجرب 

سلطة الاورجولا 
فرايد شورت ريبس 
نينو ماكي بلاتر 
♥ و اكيد كرسبي تشكن سلاد 


بس اشوفكم في الريفيو القادم، و عيد سعيد 

ccc aka chocolate cheesecake - تشيزكيك الشوكولاته

 السلام عليكم و رحمة الله و بركاته 

-كيف الحال؟ -كأن فيه أحد يشوف

وصفة اليوم قد نزلتها في مدونتي القديمه اللي نسيتها 

T_T وكنت مصوره لها صور مره حلوه بس شكلي حذفتها 

لزيزه آوي آوي 

أخذتها من بلوقر اجنبيه 

:أول شيء المقادير

كوب بسكوت مطحون، أستخدمت دايچستف 

4 ملاعق بودرة شوكولا مره

ربع كوب زبده ذايبه

500 غرام جبن فيلاديلفيا 

ثلاث ارباع الكوب سكر بودره 

ملعقه صغيره فانيلا

(bittersweet) ثلاث ارباع الكوب شوكلاته مقطعه، أو الشوكلت تشبس 

(semisweet) ثلاث ارباع الكوب شوكلاته مقطعه، أو الشوكلت تشبس  

كوبين كريمة خفق 

ربع كوب شوكلا بودره للوجه 

:الطريقه

في صحن متوسط نخلط البسكوت المطحون و الشوكلا البودره مع الزبده، نمزجهم كويس بعدين نضغطه في الصينيه، نتركه على جنب.

.في صحن ثاني كبير  نخفق الجبن لمدة دقيقه لما تصير خفيفه، نضيف السكر و نخلط بعدين نضيف الفانيلا

نذوب الشوكلت بحمام مائي، نخليه يبرد شوي، نخلي الخلاط على السرعة البطيئه ونضيف الشوكلت على خليط الجبن و نخلطهم.

نخفق الكريمه لما تصير قاسيه شوي (ماتصير سايله مره) بعدين نضيفها لخليط الشوكلت و الجبن، نمزجها معهم كأننا نلف شيء (نطوي باللغه العربيه ههه)، نصب الخليط على البسكوت في الصينيه 

ندخله الثلاجه تقريباً 8 ساعات و حسن لو ليلة كامله

اذا جهز التشيزكيك، نمشي سكينه على أطراف الصينيه عشان يطلع بسرعه هيهي

نرش عليه شوكلا بودره عند التقديم

هذي الصوره الوحيده اللي نجت و بعد دقتها خايسه عشان كانت في الجوال 

T_T


*ps: من أسبوع كاتبه البوست بس رحت اسويها مره ثانيه عشان اصور و بعدين تعيجزت *

BON APPÉTIT

chicken brist sandwich

السلام عليكم

أخيراً بحط الطريقه من سنه تقريباً مسويه الساندويتش :) 

:نحتاج

3 صدور دجاج

ملح 

فلفل 

بابريكا

ملعقه صغيره مسترد

زبادي 

جبن شرايح

خس 

طماطم 

مخلل خيار

ملعقتين مايونيز

ملعقة شاي عصير ليمون

ملعقتين صوص رانش

:الطريقه

ندق الدجاج عشان يصير اسهل بالأكل

نخلط الزبادي و المسترد و البهارات في صحن ، نحط الدجاج و ندخله الثلاجه أقل شي نص ساعه

نطبخ الدجاج على پان مرشوشه زيت، اذا استوت نحط الجبن فوقها

..نسوي صوص: نقطع المخلل مربعات صغار، نخلط المايونيز مع الرانش و عصير الليمون

نحطهم في الخبز 

BON APPETIT 

Sugar cookies + Royal icing

بسم الله الرحمن الرحيم

ماشاءلله فيني طاقة هالأيام هههههه كل شيء سويته

 المهم اليوم طريقة الشوقر كوكيز والرويال آيسينق

من زمان نفسي أسويه و عشاني قد جربته مره ولا ضبط ، لا الكوكيز ولا الآيسينق فما تحمست. بس لما سويته الحين ضبط و طلع مرره لزيييز ولا صار قاسي

وأحسن شي يصلح بالآيسينق و بدون، يعني اللي مايحب سكر كثير ممكن مايحط الآيسينق و يبقا طعمه لذيذ، واضح مره مستانسه عليه! ههههه

*شوفو كيف شكلها و سنو فليك بعد *قلب

:المقادير

ثلاث أكواب دقيق

3/4 ملعقه صغيره بيكنق بودر

1/4 ملعقه صغيره ملح

(كوب زبده على حرارة الغرفه (أصبعين

كوب سكر

بيضه

ملعقة طعام حليب سايل

سكر بودره أو دقيق للعجن

:الطريقه

..نشغل الفرن بحرارة 300 فهرنهايت

ننخل الدقيق و الملح و البيكنق بودر، بخلاط الكيك نخفق الزبده مع السكر لما يصير

 .خليط كريمي، نضيف البيضه و الحليب و نخفق

.نضيف الدقيق بس مو كله مره وحده، ونعجن

ندخل العجينه للثلاجه ساعتين، وهنا نقطه مهمه ترا اذا جلست بالثلاجه وقت طويل بتجمد و بتتعذبون بالفرد، أنا دخلتها الثلاجه و خليتها لما بكرا و مررره تعذبت في 

.العجن

بعد ماتطلع من الثلاجه نحطها على سطح مرشوش بالسكر البودر او الدقيق، و لا ننسى الفراده بعد نمسح عليها عشان ما تلصق العجينه

نحط ورق زبده على الصينيه، نقطع الكوكيزات اي شكل و ندخلها الفرن من 7 الى 12 دقيقه، يختلف حسب الحجم و الفرن بعد، بس أول ماتصير ذهبيه من تحت و الاطراف نطلعها، نخليها ترتاح على نفس الصينيه مانحركها خمس دقايق و بعدين نحطها على رف سلكي تبرد

:الرويال آيسينق

بياض بيضتين أو اكثر عشان نخفف الخليط

أربع أكواب سكر ناعم أو اكثر عشان نثقل الخليط

.....اذا تبون معاه نكهه ممكن تحطون عصير ليمون أو برتقال

(ألوان طعام (اختياري

:طريقته

بخلاط الكيك نخفق السكر مع البيض لما يمتزجون زيين، نضيف النكهات و نخفق

نحطه بكيس التزيين و نزين الكوكيز فيه

أنا هنا حطيت سكر ملون على بعضهم

Bon appetite

Restaurant review: forchetta

بسم الله الرحمن الرحيم

اليوم حيكون ريفيو عن مطعم فوركيتا الإيطالي

طبعاً من زماااااان رايحه بس اليوم فيني طاقه اني اسوي كل شيء..

أول شي نتكلم شويه عن المطعم 

forchetta 

هو مطعم ايطالي على طريق خريص، عندهم قسم للأفراد وقسم للعوائل

 "فيه جلسات مفتوحه و فيه جلسات ببارتشن "حواجز

أكلهم بنظره عامه حلو، بس مارح اتحمس ارجع له مره ثانيه، يعني أحس هو ون تايم ثينق..

أسعارهم متوسطه، وبالنسبه لكمية الأكل اللي يقدمونه ماتعتبر الأطباق غاليه

(نجي لطلباتنا (اسم كل طلب و سعره

"المقبلات طلبنا "فوركيتا كواترو سبيسيالي

forchetta special mixed

مكس مقبلات، كالاماري مقلي، اصابع موزريلا، روبيان، دجاج، و بروشيتا فوقها جبن و صلصه

جاي معها مايونيز و صوص زي الشطه بس حلوه ماعرف كيف

اصابع الموزريلا و البروشيتا والروبيان مره لذيذه 

الكالاماري مو مره عجبني و الدجاج حلو 

 سعره 78

"السلطه كانت " انسالاته دي فيردي ميستا 

Insalata verde 

ماذقتها عشان فيها خل، بس عجبت ماما و بابا 

سعرها 28

الأطباق الرئيسيه 

 سباغيتي بولبيني Spaghetti Bolognes

ماصورتها، سباغيتي مع لحم مفروم و صلصه..

سعرها 46

-

 تاغلياتيلي فروتو دي ماري Futtucine Fruti de mare 

طلب ماما، فيتوتشيني بحريه

طعمه بس مو لذيذه

أهم شيء طعمه مالقيت كلمة غيرها ههههه

سعرها 59

-

ريقاتوني اميليانا Rigatoni fransheschana

ريقاتوني مع لحم وفطر

لذيذه بس دسمه

سعرها 46

-

كانلوني جراتيناتا Cannelloni nezerda 

محشيه سبانخ ومليااااااانه جبن 

كانت لذيذه بس صعبه بالأكل عشان الجبن لول

سعرها 47

-

ريزوتو فروتي دي ماري Risotto frutti de mare 

 زي الفيتوتشيني بس ريزوتو 

كان معاه كالاماري و ربيان و محار و تشيري توميتو

المحار ريحته مره شينه بس لما ذقته طلع مافيه طعم هيهي، كنت متحمسه آكله عشان مستر بِن ههههههه

طعمه مره لذييذ بس ناقص ملح 

سعره 56

-

بيتزا ديافولا Pizza pepperoni 

..مدري من وين جت ديافولا

ما ذقتها بس واضح لزيييزه 

سعرها 48

-

بيتزا ماري مونتي Pizza mare monte 

كالاماري و مشروم 

كانت لذيذه أو لأني احب البحري مدري 

كلوس اب على الكالاماري 

سعرها كان 51

-

وبس انتهينا 

حسيتني أم و أنا اسوي البوست هههههه مدري وش دخل 

نشوفكم في مطاعم ثانيه 

* ملاحظه: مو كل شيء ذقته بس على كلام العائله *

Egg quesadillas كاساديا البيض

بسم الله الرحمن الرحيم 

 lol مدري ليش دايم وصفاتي احسها حقت أطفال من سهلها 

الوصفه اليوم تجهز بخمس دقايق تنفع لأوقات الجوع

ممكن هي غالباً فطور بس لأني أحب البيض فعادي تصلح لكل الوجبات 

:نحتاج

خبز تورتيلا (العدد اللي تبغون) أنا سويت ثلاث

( بيض (تزيدون وحده على عدد التورتيلا

طماط مقطع مربعات صغار 

فلفل رومي مقطع مربعات صغار

زيتون

جبن موزريلا 

ممكن تضيفون أي شيء زياده*

:الطريقه

(ندهن المقلاه بزيت، اذا صار حار نضيف مقدار من البيض (أصغر من قطعة التورتيلا 

* ملاحظة مهمه: البيض ما نقلبه* 

نضيف الطماطم و الزيتون و الفلفل الرومي و الجبن فوق البيض و نغطيها بخبز التورتيلا

الحين نقلب الخبز (يكون الخبز من تحت و البيض من فوق) و نحط زياده جبن 

.نلف التورتيلا (يكون شكلها نص دائره)  و نقلبها تتحمر من الجهتين  

و بس أسهل من كذا؟ ههههه

Bon appetite 

Pancake

السلام عليكم 

..وصفة اليوم لزيزه و خفيفه و سهله تصلح للعجازين

:مقادير البانكيك

كوب دقيق

ملعقتين سكر

 baking powder ملعقتين صغيره

نص ملعقه صغيره ملح

بيضه، مخفوقه جيداً

ملعقين زيت

(حليب، مقدار كافي حتى يصير الخليط قابل للسكب. ( غالباً 3/4 كوب

:الطريقه

.نخلط المقادير جيداً، و نسكب الخليط على بان مرشوشه زيت

..أهم شي المقلاة تكون زينه، أنا سويتها و انحاست صارت تلزق و غيرتها و ضبط معاي الخليط

. المقدار حيسوي تقريباً 5 أو 6 بانكيكات

YUM T_T 

BON APPETITE 

صينية البطاطس و الزهره

السلام عليكم 

:المقادير

بطاطس مسلوق

زهره مسلوقه

ملح

فلفل اسود

اوريقانو

(دجاج (اختياري

بشاميل

:الطريقه

.....نقطع البطاطس مكعبات و نحطه في صينيه, طبقه بطاطس طبقه بشاميل طبقه زهره

ندخله الفرن ربع ساعه أو ممكن يزيد على حسب الفرن

:للبشاميل

ربع اصبع زبده، كاس حليب، ملعقتين دقيق 

  نذوب الزبده عالنار و نضيف الدقيق والحليب، نحرك لما يثقل الخليط

BON APPETITE

Rocky Road

السلام عليكم و رحمة الله وبركاته 

لازم مع الاختبارات ندور شيء يلهينا, من الاسبوع اللي راح ادور شي انزله

..اليوم بنزل طريقة الروكي رود

:المقادير

سبعه قالكسي دارك أو عادي

سبعه آرو

(خمسه و عشرين غرام زبده (ربع أصبع

كوب مارشملو

(نص كوب بسكوت (احسن شي دايجستف

(نص كوب كريمة خفق (لو كان ثقيل بعد اضافتها نزيد منها

:اضافات

ملعقة عسل 

.فول سوداني أو لوز أو اي نوع مكسرات تحبونه

:الطريقه

نحط المارشملو في الفريزر ربع ساعه

 نحط الشوكولاته و الزبده بحمام مائي لما تذوب 

نغطي الصينيه بورق زبده، نخلط المارشملو و البسكوت مع الشوكولاته ونحطها بالصينيه

ندخلها الثلاجه ساعتين لما تتماسك، بس احسن لو تجلس ليله 

بالعافيه